Skip to content

Wat is ’n normale bloedsuikervlak?

Dis ’n goeie vraag! Wat ís ’n normale bloedsuikervlak, en waarvoor moet diabate mik? Diabetes is omtrént ’n balanseertoertjie – as jou bloedsuikervlak te hoog is, is daar langtermyn-implikasies; en wanneer dit te laag is, het jy noodhulp nodig. Die ideale speling is in die middel.

normal blood sugar

Normale bloedsuiker-reikwydte

Diabete se mikpunt is 4 mmol/l tot 7 mmol/l. Enigiets laer as 4 mmol/l (veral laer as 3 mmol/l) is laag (hipoglisemie), wat onmiddellik gevaarlik is en kan lei tot ’n noodgeval waarin jy jou bewussyn verloor.

Tussen 7 mmol/l en 10 mmol/l is ook ’n goeie reikwydte. Sommige dokters en diabete verkies egter strenger beheer en om nie 9 mmol/l te oorskry nie. Hoër as 10 mmol/l is te hoog.

Hoe om jou bloedsuikervlakke te beheer

Hier is ’n paar dinge wat jy kan doen as jy sukkel om jou mikpunt te behaal:

  1. Verander jou dieet. Eet jy ’n gesonde diabetes-dieet? Moet jy koolhidrate (stysels) uitsny om jou bloedsuikervlakke te beheer? Hier’s ’n eenvoudige manier om ’n laekoolhidraat-hoëvet-eetplan te volg.
  2. Oefen. Dit maak nie saak watter tipe oefening jy kies nie – dis net belangrik dat jy elke dag vir 20-30 minute aktief is. Loer hier na prettige maniere om fiks te word.
  3. Neem jou medikasie. Dis noodsaaklik vir goeie bloedsuikerbeheer dat jy jou medikasie gereeld neem. As die medisyne jou sleg laat voel, moet jy dit met jou dokter bespreek.
  4. Sluit by ’n gemeenskap aan. Ander diabete se ondersteuning is van onskatbare waarde soos wat jy elke dag dié paadjie stap. Diabetic South Africans is Suid-Afrika se grootste aanlyn gemeenskap vir diabete – sluit by ons aan!

Doen net jou bes

Ons almal se lewe verskil, en ons bloedsuikervlakke reageer verskillend op verskillende dinge. Doen net jou bes – dis al wat jy kan doen. Ons is almal saam hierin!

SHARE THIS ARTICLE
Share on facebook
Share on twitter
Share on linkedin
Share on whatsapp
What to read next
Join Diabetic South Africans on Facebook

Join our diabetes community

Be First to Comment

What do you think?

Sweet Life is a registered NPO/PBO (220-984) with a single goal: to improve diabetes in South Africa. We are funded by sponsorships and donations from aligned companies and organisations who believe in our work. We only share information that we believe benefits our community. While some of this information is linked to specific brands, it is not an official endorsement of that brand. We believe in empowering people with diabetes to make the best decisions they can, to live a healthy, happy life with diabetes.