Skip to content

Vyf gesonde planne vir diabete

Daar’s een vraag wat ons heeltyd op Diabetic South Africans kry: Het julle ’n maaltydplan? Ja, ons het – hier’s dit. Maar een ete maak nie sin nie, want ons volg almal verskillende diëte en het verskillende smake. Sommige van ons is vegetaries, sommige eet tradisioneel, ander eet hoofsaaklik Indiese kos en party het ’n begrotingsvriendelike plan nodig.

Dis hoekom ons so opgewonde is dat ons hierdie vyf maaltydplanne by Sanofi kon kry, met idees vir alles van ’n Westerse dieet tot ’n sakpas-dieet. Loer ’n bietjie na die planne hier onder en laai hulle af vir meer besonderhede.

planne vir diabete

Die bord-model

Dié maaltydplanne gebruik die bord-model om jou met porsiebeheer te help. Die idee is om jou bord in vier te verdeel.

  1. Vul die helfte van die bord met ’n verskeidenheid groente.
    Spinasie, wortels, blaarslaai, lemoenpampoentjies, ertjies, botterskorsie, beet, kool, groenboontjies, broccoli, blomkool, tamaties, komkommer, sampioene, soetrissies, aspersies, eiervrug en murgpampoentjies is alles goeie keuses.
  2. Vul een van die kwarte met volgraan-, hoëvesel-, lae-GI-stysels.
    Mielies, gerolde hawermout, hoëvesel-ontbytgraan, bulgurkoring, stampkoring, wilde bruinrys, patats, baba-aartappels, swaar saad/rogbrood en volgraan-kraakbeskuitjies is alles gesonde keuses.
  3. Vul die laaste kwart van die bord met proteïen.
    Vellose hoender en kalkoen, vis en ander seekos, maer snitte beesvleis en varkvleis (lendeskyf, filet of varklendestuk), tofu, soja, eiers en peulgewasse (lensies, droë bone en kekerertjies). Vermy verwerkte vleis (salami, Weense worsies en polonie), wat propvol sout en versadigde vette is.

Vrugte en suiwel

Dié maaltydplanne bevat ’n verskeidenheid vrugte in beheerde porsies.

Een porsie is ’n mediumgroot porsie vrugte (lemoen, appel, peer of ’n klein piesang), of twee klein vrugte (pruime), of een koppie vrugteslaai. Eet altyd ’n proteïen (neute, kaas, grondboontjiebotter) saam met ’n vrug om te keer dat jou bloedsuikervlakke die hoogte inskiet.

Jy kan ook twee porsies suiwel per dag byvoeg: ’n glas (240 ml) laevetmelk of 180 ml gewone, onversoete jogurt.

Westerse maaltydplan

Western meal plan for diabetes

Sakpas maaltydplan

Budget meal plan for diabetics

Vegetariese maaltydplan

Indian meal plan for diabetics

Tradisionele maaltydplan

Traditional meal plan for diabetics

Indiese maaltydplan

Indian meal plan for diabetics

Laat weet ons watter van dié maaltydplanne lyk vir jou die lekkerste, of as jy nuttige wenke het om te deel oor maaltydplanne en diabetes.

SHARE THIS ARTICLE
Share on facebook
Share on twitter
Share on linkedin
Share on whatsapp
What to read next
Join Diabetic South Africans on Facebook

Join our diabetes community

One Comment

What do you think?

Sweet Life is a registered NPO/PBO (220-984) with a single goal: to improve diabetes in South Africa. We are funded by sponsorships and donations from aligned companies and organisations who believe in our work. We only share information that we believe benefits our community. While some of this information is linked to specific brands, it is not an official endorsement of that brand. We believe in empowering people with diabetes to make the best decisions they can, to live a healthy, happy life with diabetes.