’n Gebalanseerde eetplan

Wonder jy wat om te eet sedert diabetes by jou gediagnoseer is? Onseker water tipe kos goed vir jou bloedsuiker is? Dis altyd ’n goeie idee om ’n afspraak by ’n dieetkundige te maak vir raad oor jou spesifieke situasie, maar daar is algemene riglyne wat diabete kan help om ’n gesonde dieet te volg. Pick n Pay het ’n gebalanseerde maaltydplan saamgestel wat juis dit doen.

’n Gebalanseerde maaltydplan vir diabete

Let wel: Almal is verskillend en reageer anders op verskillende soorte kos. Sommige mense met diabetes kan byvoorbeeld matige hoeveelhede vrugte eet, terwyl dit ander se bloedsuiker opstoot. Toets jou bloedsuiker gereeld en maak koskeuses wat goed vir jou en jou bloedsuikerbeheer is. 

Porsiegrootte is belangrik

Hou ook in gedagte dat die grootte van porsies baie belangrik is. Of jy nou koolhidrate tel of nie, maak seker dat die helfte van jou bord gevul is met voedsame groen groente, met ’n klein porsie onverfynde, hoëvesel-koolhidrate (dit sluit vrugte in), en ’n kwart van jou bord met maer proteïen van ’n goeie gehalte. Kyk na die aanbevole maaltydplan as ’n beginpunt. Laai dit gerus hier onder af – die resepte ook!

Laai die maaltydplan af

Wil jy die maaltydplan uitdruk sodat jy dit byderhand kan hê? Klik net op “Download” hier onder. Al die resepte vir die maaltye wat in die maaltydplan verskyn, is ook hier onder. Laat weet ons wat jy van die resepte dink!

Pick n Pay Health Hotline

Het jy geweet dat Pick n Pay ’n geregistreerde dieetkundige het wat gratis raad oor voedsel en voeding aan die publiek verskaf? Kontak hulle via die Health Hotline by 0800 11 22 88 of stuur ’n e-pos aan healthhotline@pnp.co.za om oor voeding te gesels.

Translation by Riekie Human